第二章 (第1/4页)

    廖宅家里的客厅长年摆放着很多旧日和仔在中学时期参与运动会获得的奖状。当中不少是铝制奖牌或者优异奖章等，但是，这些奖项一向没有人怎样关注，原因是当中没有太大的成就让人值得注意或夸赞的。

    今天有位社工正好来到廖家探访，一路关心着成昌和锦英两老的生活状况，她瞄了一瞄这些奬状，没有太在意当中有不妥之处。

    社工萧姑娘问:「你哋嘅乖儿子几耐嚟探你哋一次？」

    昌:「啊……呀……」

    廖太:「啊咩啫？早几日阿和同佢老婆咏恩先至上过嚟！佢哋大概每两星期上嚟一次喇。」

    萧姑娘:「阿成昌，你要多注意饮食，唔好食味道重嘅嘢，仲要唔好食饭。」

    廖太锦英:「佢正在食藜麦，已经戒饭。」

    萧姑娘:「咁就啱啦，糖尿病唔可以食淀粉质。……锦英有冇带老公去验血呀？呢样嘢要定时做喎。」

    廖太:「当然有，我依足医生要求定期去卫生中心帮自己同埋阿昌佢验身同验血。」

    萧:「你哋屋企人……我指你个仔同媳妇，少返嚟呢度，所以身T有咩异样，你哋要加多注意，要识得好好照顾自己，知道嘛？」

    廖太:「知道，我成日关注自己身T。」

    萧:「咁你有冇见成昌有咩特殊状况呢？」

    廖太:「我唔知应唔应该讲……最近我发现阿昌搭巴士嗰阵，自己同自己讲话。你知有时两公婆相处咁多年，唔系成日都会开声有嘢讲。……喔，但系有几次喺大家冇嘢讲嘅时候，佢居然喺巴士上面戴住耳机装作有电话接通，不停咁同自己讲嘢。」

    萧:「咁有啲唔太正常喎……佢一向有冇自言自语嘅习惯？」

    廖太:「就系冇，我